skip to Main Content

Blaðlauksspírur

Ljósgrænn, grannur stilkur með svörtum hnúði á endanum.  Milt laukbragð með eilítið beittu eftirbragði.

Blaðlauksspírur eru mjög góðar sem krydd í salat, með kjöti og fiski. Einnig eru þær frábærar með ítölskum réttum og súpum, bætt við rétt áður en maturinn er borinn fram, eða ofan á brauð.

Blaðlauksspírur eru ríkar af A, B, C og E-vítamínum en einnig steinefnum, sérstaklega kalsíum, fosfór, járni, brennisteini og magnesíum. Þær hafa græðandi eiginleika, eru bakteríudrepandi, lækka kólesteról og styrkja ónæmiskerfið.

Radísuspírur – detoxspírur

Radísuspírur eru ríkar af andoxunarefnum A og C, auk fólinsýru B9. Jafnframt er að finna í radísuspírum vítamínin B1, B2, B3 B6 og K. Radísuspírur eru auðugar af fosfór, kalsíum, magnesíum, natríum, járni og sinki, auk blaðgrænu (chlorophyll) sem hjálpa til við að flytja súrefni til frumanna og er mjög öflug við afeitrun líkamans. Þá innihalda radísuspírur mikilvæg ensím (mýrósínasa) sem hjálpa til við niðurbrot og upptöku næringarefna. Nýjar rannsóknir benda til að spírunar innihaldi gnægð af  hið frumuverjandi efni glúkórafanín einsog brokkólíspírurnar.

Radísuspírur China Rose

Vinsælustu radísuspírurnar, fallega grænar með bleikum stilk, afar ljúffengar með hvaða mat sem er.

Radísuspírur Daikon

Fagurgrænar, stór blöð með hvítum stilk. Örlítið sætt  eftirbragð.

Radísuspírur Sangó

Dökkfjólurauð blöð, frekar þykk, á ljósrauðum sveigðum stilk. Beitt radísubragð en frísklegt, fara vel með hvaða mat sem er

Prótínblanda

Próteinblandan er blanda af spíruðum baunum, ertum, linsum og fræjum (breytilegt eftir árstíðum), m.a úr mungbaunum, grænum ertum, kjúklingabaunum, mismunandi tegundum linsa og fenugreek. Spírublandan er rík af næringarefnum, m.a. prótínum, steinefnum og vítamínum, einkum, A, C og K.  

Mungbaunir eru góð uppspretta af prótíni, sérstaklega amínósýrunni methionine sem talin er hafa róandi áhrif á líkamann. Þær eru ríkar af C-vítamíni og steinefnunum, járni og kalíum.

Linsur eru einnig ríkar af prótíni og járni og eru mjög góð uppspretta af C-vítamíni.

Fenugreek er blóð- og nýrnahreinsandi. Ríkt af fosfór og járni, auk snefilefna og inniheldur ensímið U, sem verndar meltingarveginn og magann. Mjög gott við magabólgum.

Ertur eru ríkar af prótíni og kolvetnum, trefjum og vítamíninu A, ásamt mikilvægum steinefnum, m.a. járni, kalíum og magnesíum.

Spírublönduna er gott að nota sem meðlæti með fiski eða kjöti, út á salatið eða sem snakk á milli mála.

Allar spírur stuðla að aukinni orku og eru auðmeltar, þar sem spírun brýtur næringarefnin niður í það form sem líkaminn getur best nýtt sér. Þá eru allar spírur ríkar af trefjum sem styrkja góðu þarmaflóruna.

Brokkólíspírur

Ljósgræn blöð, með grönnum stilk. Einstaklega ljúffengar, mildar og örlítið stökkar. Þær passa vel með fiski, í samlokur og græna drykkinn.

Brokkólíspírur eru hrein ofurfæða. Þær innihalda mikilvæg frumuverjandi efni, m.a, glúkórafanín, sem rannsóknir sýna að geta hindrað æxlismyndun og örvað afeitrun krabbameinsfruma úr líkamanum. Mikilvægt er að borða brokkólíspírurnar ferskar þar sem ensímið mýrósínasa er þýðingarmikið við niðurbrot glúkórafaníns í hið verndandi efni súlfórafan í meltingarveginum. Þá hefur verið sýnt fram á að súlfórafan í brokkólíspírum geti veitt vörn gegn húðkrabbameini af völdum útfjólublárra geisla og hamlað vexti H.Pyroli bakteríunnar.

Brokkólíspírur hafa hátt gildi andoxunarefna, A, C og E-vítamína, sem hjálpa líkamanum við að eyða sindurefnum, en þau eru talin vera orsök ýmissa hrörnunarsjúkdóma. Auk þess innihalda þær mikið af öðrum næringarefnum, m.a. vítamínin B og K, sink, kalsíum, magnesíum og járn.

Alfalfaspírur

Alfalfaspírur eru mildar með fersku grænmetisbragði og passa mjög vel með fiski, ofan á brauð, í salatið og græna drykkinn. Þær eru uppáhaldsspírur barnanna.

Alfalfaspírur styrkja ónæmiskerfið og hafa lengi verið notaðar sem jurtalyf í Kína, á Indlandi og í Mið-Austurlöndum.

Alfalfaspírur eru auðugar af estrogenlíkum hormónum, sem geta dregið úr einkennum tíðahvarfa og virkað sem forvörn gegn beinþynningu, krabbameini og hjartasjúkdómum. Þær innihalda blaðgrænu og mikilvæg vítamín; A, C, E, K og B6. Jafnframt hafa þær að geyma kalsíum, járn, magnesíum, fosfór, kalíum, natríum, sink og prótein, ásamt fjölda jurtaefna sem stuðla að lækkun LDL kólesteróls í blóði.

Einstaklingar með hormónatengt krabbamein ættu þó ekki að borða alfalfaspírur. Jafnframt ættu þeir sem þjást af sjálfsónæmisjúkdómum vegna virkni þeirra á ofnæmiskerfið.

Back To Top