skip to Main Content

Matgæðingar Ecospíra státar af breiðum hópi viðskiptavina. Í byrjun var markhópurinn fyrst og fremst áhugafólk um hollt mataræði og bætta heilsu en fljótlega bættust fleiri matgæðingar í hópinn. Nú eru spírur og smájurtir frá Ecospíru orðnar ómissandi hluti af matseðlinum á mörgum veitingastöðum höfuðborgarsvæðisins og daglega á borðum fyrirtækjamötuneyta sem leggja áherslu á ferskt, hollt og gott hráefni.

Spírur fara vel með öllum mat og eru allt í senn hollar, bragðgóðar og fallegar. Njótið þeirra með fiskinum, kjötinu eða grænmetisréttinum, út á salatið, ofan á brauðið eða pizzuna, í vefjuna, með hamborgaranum, í sushi, út í þeytinga og safa.

Mikilvægt er að hafa í huga að útvötnun og spírun er mikilvæg fyrir neyslu á öllum hnetum, korni, baunum og fræjum sem neytt er ferskra.

Hnetur, möndlur og fræ innihalda ríkulegan skammt af mikilvægum næringar- og snefilefnum og væri hægt að flokka sem ofurfæðu. Þessar fæðutegundir innihalda þó ákveðin dvalarefni sem hamla því að líkaminn geti nýtt sér stóran hluta þessara næringarefna.  Til þess að svo geti orðið þarf að útvatna þessar fæðutegundir í 8-36 tíma fyrir neyslu.  Möndlur og hnetur þurfa lágmark 24 tíma en fræ innan við 8 tíma, fer eftir stærð. Við útvötnun brotna dvalarefnin niður, spírun hefst og næringarefnin verða aðgengileg við neyslu. Ástæða þessara dvalarefna frá náttúrunnar hendi er að vernda innihaldsefni þessara fæðutegunda þar til tími þeirra er komin til að spíra og gefa af sér nýjar plöntur. Með því að útvatna erum við í raun að herma ferli náttúrnnar og nýta okkur þannig næringu þessara ofurfæðu

Uppskriftir

Orkudrykkur

2 dl blandað frosið mangó og ananas

1 dl vatn

1-2 lúkur  sólblómaspírur eða grænkál

1/2 bolli alfalfa- eða brokkólí frá Ecospíru

1 msk hampfræ

1/2 -1 banani eftir stærð

1/2 lime (safinn)

1/2 tsk túrmerik

pipar á hnífsoddi

Blandið grænu og bananum út í síðast og þeytið alls ekki of lengi. Hellið í stórt drykkjarílát með loki og hafið með ykkur í nesti.

Uppskriftir

Spírusushi er einstaklega ferskt og gott.

Í stað hrísgrjóna er salatblað lagt ofan á nori-blaðið til hálfs og því næst um 30g brokkólí&smáraspírur Ecospíru.

Ofan á spírurnar er raðað langskornu grænmeti; avókadó, gúrku, papriku og gulrótum.

Þessu er svo rúllað varlega upp, endarnir límdir saman með vatni og lengjan skorin í tvennt á ská.

Uppskriftir

Morgundrykkur

Spíruð möndlumjólk

1 dl hindber

1 tsk blómafrjókorn

1 msk kakónibbur

1 banani

Spíruð möndlumjólk:

Möndlur, 1 dl, látnar liggja í vatni í 36 tíma í kæli.  Skipt er um vatn tvisvar á dag. Eftir tvo sólarhringa eru möndlurnar afhýddar og settar út í blandara ásamt 3 dl af vatni, þeytt vel.

Loks er öllu blandað saman við möndlumjólkina, bananinn fer síðastur út í.

Ecospírusalat

1 haus icebergsalat, skorinn í strimla

1 lífrænt epli, smátt skorið

½-1 avókadó, eftir stærð

½ gúrka í teningum

½ rauð paprika í teningum

1 box próteinblanda frá Ecospíru

½ box t.d blaðlauks- eða radísuspírur

Dressing:

1 sítróna, safinn

4 dl vatn

1 msk tamarisósa

1 tsk gróft sinnep

2-3 msk möndlumauk

1-2 msk hunang

Ferskt dill, magn eftir smekk

Allt sett í blandara.

Gulrótarsalat með spírum

10 gulrætur, rifnar á rifjárni

15-20g radísuspírur Ecospíru

30g prótínblanda

Dressing:

2 msk sítrónusafi

1 msk tamarisósa

1 tsk hunang

2 tsk  þurkað timían.

Turmerik spírudrykkur

2 bollar frosinn ananas

1 msk rifið engifer

1 tsk gott hunang

3/4 msk sítrónusafi

1/5 tsk turmerik

nokkur piparkorn

30g alfa- eða brokkólíspírur

Blandið öllu saman nema spírunum sem eru settar útí síðast eftir þeytingu á öðrum innihaldsefnum og blandað stutt saman eftir að spírurnar eru settar útí.

Dásamleg vetrarsúpa með mungbaunaspírum

Þessi súpa er dásamleg, vermandi og stútfull af næringu, hún er vegan, glútenlaus og án mjólkurs og  sykurs  og hentar því flestum. Innihaldsefnin eru valin hráefni með tilliti til  bólgueyðandi virkni og  ríkulegss næringarinnihalds. 

Sætar kartöflur eru mjög næringarríkar, innihalda hátt hlutfall andoxurnarefna, trefja, kalíum, og B6, pýridoxín sem er mjög mikilvægt fyrir hormón kvenna sem og myndun gleðihornómsins serótóníns auk fjölda mikilvægra jurtaefna sem líkaminn þarfnast. 

Mungbaunaspírur innihalda gott jafnvægi næringarefna, góð uppspretta af prótíni, sérstaklega amínósýrunni methionine sem talin er hafa róandi áhrif á líkamann. Þær eru ríkar af C-vítamíni, vatnsleysanlegum trefjum, steinefnunum, járni og kalíum auk fjölmargra lífvirkra jurtaefni sem styðja við endurnýjun og viðhald fruma. Spírurnar eru auðmeltar, þar sem spírun brýtur næringarefnin niður í það form sem líkaminn getur best nýtt sér.

Súpan er mjög góð sem aðalréttur á vetrarkvöldi með grófu súrdeigsbrauði. Hægt er að gera grunninn og eiga í frysti og setja grænmetið saman við þegar hún er elduð.

Innihald:

  • 500g sætar kartöflur, skornar í litla bita
  • 100g blómkál skorið í litla bita
  • 1  laukur smátt skorinn
  • 2 hvítlauksrif,  pressuð
  • 1 tsk rifin engiferrót
  • 1 tsk turmerik
  • svartur pipar á hnífsoddi
  • 1 msk kaldpressuð olívuolía
  • 1 msk Harissa krydd frá Kryddhúsinu
  • 1/2 tsk cumin krydd 
  • 1 grænmetiskraftur 
  • 2 msk tómatpúrra
  • 800 ml vatn
  • 1 dós, 400 ml kókósmjólk
  • 1/2 til 1 msk límesafi
  • smakkað til með sjávarsalti, svörtum pipar
  • cayenne pipar á hnífsoddi
  • 150g mungbaunaspírur
  • 1 lime skorið í báta 

 

Hitið ofninn í 200°C

Flysjið sætu kartöflurnar og skerið í báta, dreifið á bökunarplötu og bakið í 15-20 mín. eða þar til kartöflunar eru bakaðar 

Á meðan  sætu kartöflurnar eru í ofninum, hitið olíuna á pönnu og steikið laukinn, bætið síðan við hvítlaukinum, engiferrótinni og kryddunum útí. Steikið smá stund saman. Þá er vatninu bætt útí ásamt grænmetiskraftinum og tómatpúrranu.  Látið malla smástund og bætið þá blómkálsbitunum samanvið og látið suðuna koma upp, sjóðið í 4-5 mínútur. 

Þegar sætu kartöflunar eru tilbúnar í ofninum er þeim bætt útí súpuna ásamt kókósmjólkinni.  Látið malla  við vægan hita þar til grænmetið er orðið mjúkt í gegn, smakkað til með salti, pipar, örlítlum cayenne pipar og limesafanum.  

Þegar borið fram bætið þá lófafylli af munspírunum útá diskinn ásamt einum bát af lime á hvern disk.

Verði ykkur að góðu!

Back To Top